GENERAL

• Como entramos a My Way?
  Podedes buscar e descargar a aplicación desde Apple Store (dispositivos iOS) ou desde Google Play (dispositivos Android). Atoparédela co nome: P&P and B&B by Kids&Us / Animal Planet by Kids&Us / Fairy Tales by Kids&Us. My Way pódese utilizar nun dispositivo móbil, tableta ou na súa versión de escritorio desde un computador portátil ou de sobremesa. Recomendamos utilizala en tableta, principalmente, ou en computador táctil, xa que, a miúdo, o alumnado destas idades non ten moita axilidade co rato, pero si ten maior axilidade táctil. A aplicación mostrarase sempre en inglés, xa que é o idioma curricular do voso fillo ou filla.

• Podemos instalar a aplicación en dispositivos Android e iOS?
  Os requisitos son os seguintes: Para dispositivos Android: é necesario que o dispositivo conte coa última actualización publicada polo fabricante do dispositivo. Para dispositivos Huawei: é necesario que o dispositivo conte coa última actualización publicada polo fabricante do dispositivo. Para dispositivos iOS: requírese que o dispositivo teña instalada a versión iOS 15, como se especifica na Apple Store.

• Versiones de dispositivos soportadas:
  iOS: 15 ou posterior iPadOS: 15 ou posterior Android: 10 ou superior Huawei: 10 ou superior MacOS: 12 ou posterior Windows: 11

• Que requisitos técnicos presenta a aplicación?
  Para a súa instalación e un rendemento óptimo, My Way require: Que a conexión a internet sexa estable. Que a versión do sistema operativo do dispositivo sexa: Android 10 ou posterior, iOS 15.0 ou posterior, Windows 11, ou MacOS 12, Huawei 10 ou posterior. Que os permisos do micrófono estean activados. Estes permisos solicítanse ao instalar a aplicación ou ao iniciala por primeira vez, e pódense modificar en calquera momento desde os axustes do dispositivo.

• Como podemos instalar a aplicación se non está dispoñible na nosa rexión?
  A aplicación My Way está dispoñible nos países nos que ten presenza Kids&Us. Unha posible solución a esta incidencia é actualizar a información da vosa conta de Google ou Apple e que así corresponda coa vosa rexión actual. Outro motivo pode ser que o dispositivo sexa moi antigo e polo tanto o seu sistema operativo non permita instalar a aplicación. Neste caso, recomendámosvos probar a aplicación noutro dispositivo ou utilizala en formato desktop.

• Ao ingresar as credenciais, aparécenos o erro «Failed login».
  Recomendamos facer unha primeira comprobación das credenciais, dado que pode ter sido un erro manual á hora de teclealas. Se segue aparecendo o erro, desde a aplicación My Kids podedes solicitar o restablecemento das credenciais de acceso.

• Podemos utilizar a aplicación en varios dispositivos?
  Podedes instalar a aplicación en diferentes dispositivos, pero non se poderá utilizar simultaneamente. É dicir, aínda que podedes ter a aplicación instalada nun dispositivo móbil e nunha tableta, non podedes utilizar My Way nos dous dispositivos á vez co mesmo usuario.

• Podemos acceder en versión web?
  My Way está dispoñible en versión desktop (tamén chamada “de escritorio”). Trátase dunha aplicación que pode instalarse no ordenador e que é executada directamente polo sistema operativo de Microsoft Windows.

• Podemos traballar sen conexión ou en modo offline?
  My Way só se pode utilizar con conexión a internet, é dicir, en modo en liña. Isto é así porque necesitamos rexistrar os resultados das actividades en tempo real para que o sistema saiba, en función destes, que actividade servir a continuación. Doutra banda, as repostas que o estudante dea cando interactúe co Ki-bot deben rexistrarse tamén en tempo real para coñecer o nivel de motivación do estudante e recomendarlle unhas ou outras accións en consecuencia.

• Como saímos da aplicación?
  Se desexades saír da aplicación, debedes ir á pantalla principal e, desde a sección de Settings ou perfil do alumnado, na parte superior esquerda atoparedes a opción para saír de My Way (LOG OUT).

• Que aplicación utiliza o alumnado e que aplicación usa a familia?
  My Way é a aplicación para o alumnado de Animal Planet e só se pode acceder coas credenciais de alumno ou alumna. My Kids é a aplicación para as familias e o acceso realízase coas credenciais de nai, pai ou titor. Na aplicación My Kids podedes acceder á información operativa do centro para levar o seguimento dos vosos fillos ou fillas; ademais de ter unha sección específica relacionada con My Way onde encontraredes: - Paneis de seguimento da aprendizaxe: aquí poderedes ver como progresa o voso fillo ou filla en My Way - Teléfono de soporte técnico de My Way - Formulario para reportar incidencias de My Way - Sección “As miñas incidencias”: panel resumo de todas as vosas incidencias abertas, xa sexa por teléfono ou por formulario - Proceso para cambiar o contrasinal do voso fillo ou filla en My Way - Sección “FAQ”: preguntas frecuentes e respostas sobre My Way

• Podemos desactivar o son da aplicación?
  Na parte superior esquerda da maioría das pantallas, atoparedes o apartado de configuración (Settings) da aplicación desde onde poderedes activar ou desactivar os sons secundarios da aplicación. Esta acción silenciará os sons de fondo ou efectos, pero non silenciará os audios que son necesarios para realizar as actividades nin tampouco os audios introdutorios que aparecen ao longo das misións e que serven de contexto para o alumnado.

• Como funciona a instrución de audio das actividades?
  É importante ter presente que, para realizar as actividades, é necesario primeiro escoitar toda a instrución completa. Os enunciados ou presentacións das actividades son breves, pero, se se tenta realizar a actividade antes de que se complete a presentación, podería non funcionar e os clics repetidos poderían levar a un erro da actividade.

• Non se reproduce o audio no dispositivo.
  Recomendamos verificar a configuración do dispositivo con estas accións: - Asegurádevos de que o dispositivo non estea en modo silencio e que o volume estea alto. - Comprobade se hai dispositivos conectados a Bluetooth e desconectádeos para probar o audio directamente desde o dispositivo que se está utilizando. - Revisade que o dispositivo teña instalada a versión iOS 15 ou a última versión de Android. - Reiniciade o dispositivo para resolver os problemas temporais de software. Con este reinicio debería ser suficiente e non sería necesario reinstalar a aplicación.

• Hai actividades nas que aparece un altofalante, pero non se escoita o audio.
  As actividades que presentan en pantalla a icona do altofalante son actividades que requiren unha acción do ou a estudante. É dicir, para escoitar o audio será necesario facer clic, unha soa vez, sobre a icona correspondente. Isto permite que cada estudante poida realizar a actividade ao seu propio ritmo.

• Como funciona o micrófono?
  O micrófono actívase ao facer clic, unha soa vez, sobre a icona correspondente. A gravación detense cando se fai clic sobre o mesmo icona ou, na súa falta, despois duns segundos predeterminados. Nalgunhas actividades, é posible que apareza a palabra Start xunto á icona, a cal cambiará a Stop mentres se estea gravando.

• A pantalla bloquéase cando activamos o micrófono.
  A activación do micrófono realízase ao facer clic unha soa vez. Se se fai clic máis dunha vez, a pantalla podería bloquearse e, polo tanto, deberedes reiniciar a actividade.

• Con que obxectivo se utiliza a tecnoloxía en My Way?
  En My Way, incorporamos a tecnoloxía con sentido para manter e potenciar os aspectos que aseguran a aprendizaxe do inglés. A tecnoloxía permitiranos personalizar aínda máis a experiencia e dispoñer de información obxectiva para acompañar mellor ao alumnado e ás familias no proceso de aprendizaxe, tomar decisións ben fundamentadas ou asesorar academicamente con moita máis precisión.

• Que tipo de tecnoloxía se aplica a My Way?
  Coa tecnoloxía seguimos potenciando a aprendizaxe natural do inglés grazas á intelixencia artificial e ás tecnoloxías de Text-to-Speech (TTS) e Speech-to-Text (STT): - Chat GPT de Microsoft OpenAI para adestrar os sistemas de avaliación e análise de comportamento do alumnado en My Way. Desta maneira, a través das distintas interaccións que o/a estudante establece coa aplicación (actividades que realiza, respostas que dá ao Ki-bot, tempo de uso, seccións que visita con máis frecuencia etc.) podemos personalizar ao máximo a experiencia de aprendizaxe. É dicir, non só podemos adaptar o nivel das actividades a partir da puntuación obtida, senón que, ademais, somos capaces de aproveitar os momentos de maior motivación para proporcionarlle aquelas que máis lle custe resolver. Ou, ao contrario, identificar se o nivel de dificultade que percibe o/a estudante nunha tarefa é moi elevado e, por tanto, está nun punto de frustración que require que modulemos o tipo de actividades co obxectivo de reconducir a experiencia e procurar que sexa tanto efectiva en canto a resultados, como óptima a nivel de motivación. - Text-to-Speech (TTS): utilizamos esta tecnoloxía para transformar textos escritos en linguaxe oral natural e enriquecer o abanico de voces e acentos aos que se expón o noso alumnado, tanto nas actividades de aprendizaxe como na interacción que establece co Ki-bot. - Speech-to-Text (STT): My Way incorpora o recoñecemento de voz, combinando a tecnoloxía STT, que transcribe o que di o/a alumno/a nas actividades que requiren gravación de voz, co análise e a avaliación que a intelixencia artificial fai da linguaxe producida. Todo isto faise sempre baixo supervisión humana moi estrita e seguindo o criterio establecido por expertos (tamén humanos) no campo da aprendizaxe de linguas.

• Preocúpannos o tempo de exposición ás pantallas e o uso da tecnoloxía.
  My Way é unha plataforma educativa, desenvolta por Kids&Us con todas as medidas de seguridade e na que existe un control do contido, das interaccións entre usuarios/as e do tempo óptimo de exposición. My Way non é un videoxogo nin unha rede social e, por tanto, o seu obxectivo non consiste unicamente en pasar pantallas, superar niveis ou conseguir moitos puntos ou recompensas. Esta gamificación, que, por suposto existe, non existe porque si; non se xoga por xogar. O xogo e as súas recompensas son un vehículo para estimular a aprendizaxe e proporcionar recoñecemento e sensación de avance e progreso. En definitiva, os factores motivacionais indispensables para conseguir o éxito no proceso de aprendizaxe. Ademais, trátase, en moitas ocasións, dun xogo que fomenta a empatía e a aprendizaxe colaborativa, recompensando tanto o esforzo individual como o traballo en equipo para conseguir un obxectivo común. Doutra banda, o uso da tecnoloxía vén motivado pola vontade de proporcionar ao alumnado Kids&Us unha experiencia adaptada ao que cada estudante necesite. A tecnoloxía permite avanzar personalizando a aprendizaxe e dando a cada alumno/a a receita individual que máis favorecerá a súa evolución. Por último, e non menos importante, My Way é un espazo seguro e controlado. Por unha banda, existe un límite de tempo dunha hora semanal dentro do espazo de xogo complementario que representa a sección My Place. Doutra banda, o alumnado non pode interactuar de forma aberta ou descontrolada. Si pode ver o progreso dos seus compañeiros/as e intercambiar accesorios do avatar, e, de novo, isto facémolo para fomentar unha competición sa vinculada aos logros que se conseguiron grazas á constancia e dedicación na aprendizaxe.

• Como podemos facer un seguimento as familias?
  Na aplicación My Kids, teredes acceso a uns paneis informativos ou dashboards que recollerán os datos relacionados coa actividade en My Way para seguir de maneira áxil e rápida o proceso de aprendizaxe do voso fillo ou filla. En concreto, hai tres vistas distintas: 1. Visión xeral a modo resumo semanal. 2. Visión sobre o progreso da misión en curso e unha valoración cualitativa media do obxectivo de aprendizaxe. 3. Visión do tempo activo a nivel semanal ou mensual.

• Que significan as cariñas que aparecen nos obxectivos de aprendizaxe dentro das misións dos paneis informativos?
  Existen tres categorías para cualificar os obxectivos de aprendizaxe das misións. Estas cualificacións son o resultado da media das actividades que o alumnado realiza e a partir das que traballa o obxectivo específico en cada reto. :D Excellent (Excelente) :) Good (Bo) :| Working towards target (En proceso de asimilación)

• O centro tamén terá esta información?
  Esta información tamén está accesible para os equipos do centro, pero ampliada. Tanto o profesorado como a dirección do centro terán tamén uns paneis informativos para ver a actividade dos estudantes en My Way, e tamén outros paneis con información sobre o avance respecto a os obxectivos e rendemento das distintas destrezas que se traballan no curso.

• Como podemos nós ter máis información da que temos en My Kids?
  Os informes trimestrais incluirán un apartado novo sobre o rendemento e traballo de cada estudante no mundo dixital de My Way. Ademais, tedes sempre a vosa disposición titorías individualizadas co centro e o profesorado para falar da evolución do voso fillo ou filla de forma máis personalizada.

• Temos un dispositivo Chromebook e non podemos instalar a aplicación. Que podemos facer?
  Os Chromebooks son dispositivos que utilizan un sistema operativo específico, Chrome OS, e este é diferente de Android, Windows ou iOS. Por esta razón, non todas as aplicacións dispoñibles nas tendas de aplicacións son compatibles con este sistema. Os Chromebooks están deseñados para poder traballar con contornas web e My Way só existe en formato de aplicación. Como solución, recomendamos buscar un dispositivo alternativo, preferentemente unha tableta, ou facer uso da versión en escritorio de PC para que os vosos fillos e fillas poidan traballar coa aplicación. My Way é unha nova contorna que enriquece moito a experiencia de aprendizaxe do alumnado non só por medio da gamificación, senón que tamén ao ofrecer itinerarios personalizados e contidos neste mundo dixital que se conectan cos que se traballan na aula. Para que poidades levar o seguimento da actividade dos vosos fillos e fillas en My Way, confirmámosvos que podedes seguir facendo a escoita do audio a través do móbil, como seguramente estabades facendo ata agora. En canto ás actividades da propia aplicación, ao final da semana, o profesorado indica os cinco ou seis elementos que o alumnado debe explorar. O alumnado debería poder realizar esta asignación en media hora, xa que neste tempo pode facer as actividades propias da misión e tamén dedicar algúns minutos a completar actividades extra e así colaborar co grupo.

• Que facemos se temos problemas técnicos?
  Se vos atopades con calquera incidencia técnica relacionada co funcionamento da aplicación, poderedes contactar directamente co equipo de soporte específico para My Way. Na aplicación de My Kids tedes identificado o número de teléfono de contacto ou, no seu defecto, un formulario que cumprimentar. Para que a identificación e solución do problema sexa áxil e rápida, necesitaremos que nos proporcionedes a seguinte información: - O modelo do dispositivo e sistema operativo (Android o iOS) do dispositivo que estabades utilizando no momento do erro. - A descrición da acción que realizabades ou a actividade (é dicir, que debiades facer). De ser posible, axuntar unha captura de pantalla ou unha imaxe. - A localización na aplicación onde se bloqueou (por exemplo, no interior da caravana, durante a actividade da neveira, etcétera).

• Por que a escoita do audio non se rexistra correctamente no dashboard de familia?
  Porque seguramente non se escoite a pista por completo e, en consecuencia, o sistema non contabilice a escoita. É importante que o alumnado non peche a ventá do audio antes de que se acabe e que o termine de escoitar enteiro. Unha vez acabado o audio, a pantalla desaparece e o alumnado poderá interactuar co seu avatar. Se pecha a ventá antes de que se acabe o audio, aínda que sexan uns segundos, o sistema non rexistrará a acción.

• Cando o meu fillo/a accede a My Way por primeira vez, aparece un erro na pantalla que di “Oops! Your parents need to read and accept the terms and conditions they received via email. Please remind them!”. Que debemos hacer?
  Para gozar das vantaxes de My Way, é necesario aceptar os termos e condicións de uso da aplicación. Para iso, é necesario aceptar as condicións mediante o proceso de firma dixital (firma do contrato de rematricula) ou, no caso de ser unha familia nova, aceptar o proceso desde a ligazón que se inclúe na carta de credenciais que recibistes do centro. Se necesitades axuda, contactade co voso centro.

• 2. Cando o meu fillo/a accede a My Way, aparece unha pantalla negra co robot durmindo. Que significa?
  A pantalla negra co Ki-bot (robot) durmindo aparece cando a aplicación non dispón de boa conexión á rede. Nestes casos, recomendámosvos revisar a conexión para reanudar a actividade na aplicación.

• The family has downloaded the wrong app. A My Way app has been downloaded but not the one corresponding to the course that your child is taking.
  An image will appear in My Way with the following message: Looks like this account is linked to another course! This account belongs to another MyWay app. Please download the app for that course. We'll be waiting for you there!

• The student or their family wants to access My Way but does not remember the credentials or uses the family credentials (My Kids) instead of the student's credentials.
  The student or their family wants to access My Way but does not remember the credentials or uses the family credentials (My Kids) instead of the student's credentials.

• Esquecemos o contrasinal, como podemos solicitar unha nova?
  Se non recordades o contrasinal de acceso, poderedes restablecela desde a aplicación My Kids, a aplicación de familias. Se se rexistra un contrasinal incorrecto en My Way aparecerá unha pantalla informativa indicando que poderedes restablecela desde My Kids.

SAM / EMMA

• Que é My Way?
  My Way é a contorna dixital que utilizades na casa como parte dos cursos de Sam e Emma. Esta aplicación está pensada para facilitarvos a escoita diaria do audio, ofrecer máis exposición ao inglés e reforzar os hábitos relacionados cos obxectivos de aprendizaxe de cada curso.

• Cal é o obxectivo principal de My Way para os cursos de Sam e Emma?
  O obxectivo principal de My Way é aumentar a exposición dos vosos fillos e fillas a un inglés significativo para nenos e nenas destas idades, cando o contacto regular co idioma é esencial. My Way axúdavos a incorporar a escoita diaria da pista de audio nas vosas rutinas familiares e ofrécevos contidos relacionados coas historias, cancións, rutinas e obxectivos que traballamos en clase.

• Que aprenden os nenos e nenas en Sam y Emma?
  En Sam, os nenos e nenas acompañan a un neno de tres anos que descobre o mundo que o rodea. O curso céntrase en situacións cotiás, rutinas, autonomía, bos hábitos e aprender a compartir. En Emma, acompañan a unha nena de catro anos e á súa familia en situacións cotiás, como ir comprar, axudar na granxa, bañarse ou cociñar. O curso reforza a autonomía, a participación en tarefas do día a día e o uso funcional do inglés.

• Como se conecta My Way coa experiencia na clase?
  Todo o que atopedes en My Way está conectado co que os vosos fillos e fillas viven na aula. As historias, cancións, audios, rutinas e contidos adicionais están aliñados co vocabulario, as estruturas e os valores do curso. Por iso, My Way non substitúe a experiencia en clase, senón que a amplía na casa.

• Que podemos facer en My Way?
  Desde o menú principal, podedes acceder a tres espazos principais: Daily Audio Track, Routines e Extra Content. Tamén podedes entrar nos axustes da aplicación para pechar sesión ou regular o volume dos efectos de son.

• Que é a pista de audio diaria (Daily Audio Track)?
  A rutina de escoitar a pista de audio do curso é a parte máis importante de My Way en Sam e Emma. Recomendamos escoitala cada día para que os nenos e nenas estean en contacto co inglés do curso de forma regular e natural.

• Como podemos escoitar a pista de audio?
  O reprodutor é moi sinxelo: permite reproducir e pausar a pista, pero non avanzar nin retroceder. Poderedes escoitar a pista en segundo plano se non estades a utilizar outras aplicacións multimedia e tamén a poderedes escoitar coa pantalla bloqueada. Se detedes o audio antes de terminar, My Way preguntaravos se queredes continuar desde onde o deixastes ou empezar desde o principio. Cando termina o audio, a aplicación volve automaticamente ao menú principal.

• Podemos pausar o audio e reanudalo máis tarde?
  Si. Podedes pausar ou deter o audio e continuar desde o mesmo punto cando volvades a pulsar reproducir. Isto facilitaravos incluír a escoita da pista de audio nas vosas rutinas familiares.

• Como se contabiliza a escoita diaria da pista de audio?
  My Way rexistrará que a pista de audio se completou cando a escoitases enteira. Aínda así, os minutos de escoita tamén contribúen á exposición total ao inglés do voso fillo ou filla, incluíndo o Anglómetro ou os minutos activos que aparecen no dashboard de seguimento da aprendizaxe de My Kids.

• Cal é o mellor dispositivo para My Way?
  My Way está deseñado principalmente para teléfonos móbiles, xa que ofrece a experiencia máis cómoda para a escoita diaria e as rutinas. Aínda que os móbiles son a primeira opción, My Way tamén pode utilizarse en tabletas.

• Utilizar My Way implica aumentar o tempo de exposición ás pantallas?
  Non necesariamente. O obxectivo principal de My Way para Sam e Emma é escoitar o audio cada día e pode facerse sen que o voso fillo ou filla mire a pantalla. Podedes poñerlle o audio mentres xoga, vístese ou ordena os seus xoguetes. Vós decidides que parte da experiencia dixital queredes mostrarlle ao voso fillo ou filla. My Way ofrece contido audiovisual de calidade, pero o uso de vídeos, xogos e elementos visuais sempre está nas vosas mans.

• Que é a sección Routines?
  Esta sección axúdavos a reforzar bos hábitos e a participación dos nenos e nenas en tarefas cotiás. Inclúe rutinas vinculadas a cada curso, como lavar os dentes e as mans, vestirse, recoller os xoguetes, ir comprar, poñer a mesa ou facer a cama. Podedes ordenar as rutinas segundo os vosos hábitos e utilizar as mensaxes de Kan-do para animar e felicitar ao voso fillo ou filla.

• ¿Quién es Kan-do?
  Kan-do é un personaxe creado para acompañar a nenos, familias e centros. O seu papel é motivar, celebrar os avances e reforzar os valores dos cursos de Sam e Emma: autonomía, bos hábitos, colaboración e confianza. En clase, Kan-do forma parte das rutinas e da feedback positivo e construtivo. Na casa, Kan-do aparece en My Way e tamén está presente nos materiais físicos do curso.

• Como funciona Kan-do na casa?
  Desde a sección Routines, podedes “chamar” a Kan-do. Primeiro, Kan-do anima ao voso fillo ou filla a completar unha rutina. Despois, indicades se a completou. Se é así, Kan-do celebra o logro; se non, anímao a intentalo de novo a próxima vez.

• Podemos usar o feedback de Kan-do fóra das rutinas listadas en My Way?
  Si. Podedes utilizar a retroalimentación de Kan-do de forma independente ás rutinas que aparecen na aplicación para animar ou recompensar ao voso fillo ou filla noutras actividades diarias, incluso se esas actividades non aparecen na sección Routines.

• Podemos personalizar a orde das rutinas?
  Si. As familias podedes cambiar a orde das rutinas para reflectir as vosas rutinas diarias e gardar os cambios. Isto fai que My Way sexa máis doado de integrar na vida real de cada familia.

• Podemos personalizar a Kan-do en My Way?
  Non. Non podedes personalizar a Kan-do. A súa aparencia será a mesma, pero terá diferentes expresións faciais, animacións e indicacións de voz dependendo da interacción que seleccionedes na sección de Routines.

• Que materiais físicos están conectados con My Way?
  My Way deseñouse para funcionar xunto cos materiais físicos de Sam e Emma. Estes materiais axúdanvos a levar a aprendizaxe dos vosos fillos e fillas ao seu día a día e fan que as rutinas sexan máis visibles, prácticas e significativas. - Booklet: axuda a reflectir a escoita diaria do audio e converte esta rutina en algo visible. O Booklet non é só unha ferramenta de seguimento, senón que tamén dá aos nenos a oportunidade de falar diso en clase usando estruturas sinxelas en inglés, como “I’ve listened to the audio track ... times.” (Escoitei a pista de audio ... veces). - Routine Booklet (Sam): permite rexistrar rutinas diarias como lavar as mans, recoller os xoguetes ou bañarse. - Little Helper Board (Emma): permite utilizar imáns para marcar tarefas nas que o voso fillo ou filla colaborou, como ir comprar, poñer a mesa ou facer a cama. Estes materiais tamén axudan aos nenos para desenvolver bos hábitos e rutinas mediante a gamificación e as felicitacións ou mensaxes motivacionais de Kan-do, que actúan como recompensas mentres seguen en contacto co inglés. - Materiais de Kan-do: en Sam e Emma, Kan-do tamén forma parte das rutinas e actividades familiares, axudando aos nenos para conectar a escoita diaria cos bos hábitos e o reforzo positivo. O alumnado de Sam recibe o peluche de Kan-do, mentres que o de Emma recibe conxuntos de roupa vinculados a cada historia do curso. Deste xeito, Kan-do pode acompañar aos nenos e nenas na súa aventura diaria mentres están expostos ao inglés.

• Como se relacionan os materiais dixitais e físicos?
  Os materiais dixitais e físicos forman unha experiencia conectada. Os nenos e nenas escoitan o audio en My Way, falan desa escoita en clase, rexistran ou reforzan rutinas co Routine Booklet ou o Little Helper Board, e reciben o apoio motivador de Kan-do. Así, o inglés non queda limitado á aula: tamén forma parte das rutinas, as cancións, os xogos e os momentos en familia.

• Como axudan estes materiais a crear bos hábitos?
  Os materiais físicos e dixitais axudan aos nenos e nenas a desenvolver bos hábitos e rutinas mediante a gamificación, o ánimo e o reforzo positivo. As felicitacións e mensaxes motivacionais de Kan-do actúan como recompensas, mentres que os nenos e nenas continúan expostos ao inglés de forma natural e significativa.

• Que podemos atopar na sección Extra Content?
  Nesta sección, podedes acceder a contidos adicionais relacionados co curso do voso fillo ou filla: pistas de audio desbloqueadas, cancións, vídeos de Betty Sheep, xogos e os contidos educativos de Sam ou Emma. Os xogos están pensados para ofrecer máis exposición a un inglés significativo dunha forma lúdica e adecuada á idade do alumnado.

• Os xogos son sempre os mesmos?
  Non. Os xogos estarán dispoñibles a partir de decembro e estarán vinculados á historia que estean a traballar os nenos e nenas en clase e aos temas de cada curso. As familias seleccionaredes a historia actual e poderedes elixir entre diferentes temas, como rutinas, aniversarios, cores e números en Sam, ou animais, tendas e produtos en Emma.

• Os xogos son avaliables?
  Non. Os xogos non son avaliables e non terán unha nota. O seu obxectivo é ofrecer máis oportunidades de escoitar e interactuar co inglés de forma divertida, sen formar parte dun itinerario pechado nin dunha avaliación.

• Hai un límite de tempo para usar a sección Extra Content?
  Non. Cada familia decide cando, como e durante canto tempo utiliza os contidos adicionais. My Way está pensado para que teñades o control da experiencia dixital.

• Podemos acceder ás seccións Routines ou Extra Content antes de escoitar a pista de audio?
  Si. Podedes decidir a orde na que utilizades My Way. Aínda así, como a escoita diaria é esencial en Sam e Emma, a aplicación recordaravos que o escoitedes se ese día aínda non o fixestes.

• Como podemos facer o seguimento do uso de My Way?
  Podedes consultar información sobre o uso de My Way na aplicación My Kids, dentro do apartado de seguimento da aprendizaxe: tempo dedicado a cada sección e unha visión xeral da exposición total ao inglés, combinando o tempo de clase e o uso de My Way.

• Podemos usar My Way con máis dun neno ou nena na mesma aplicación?
  Si. Podedes engadir diferentes perfís de alumnado na aplicación. Cando hai máis dun perfil, a escoita do audio rexístrase só no perfil activo nese momento. Se hai irmáns ou irmás no mesmo curso, convén alternar entre perfís para que a escoita quede rexistrada correctamente para cada neno ou nena.

• Como se rexistra a escoita de audio cando hai máis dun perfil?
  A escoita de audio rexístrase só para o perfil activo que se está utilizando nese momento. Se os vosos fillos ou fillas están no mesmo curso, debedes alternar entre os seus perfís na aplicación para que a escoita de cada un quede rexistrada correctamente.

• Que fai que a experiencia de Sam 3 Emma sexa global e de alta calidade?
  A experiencia de Sam e Emma combina aprendizaxe na aula, escoita diaria da pista de audio, materiais físicos, rutinas familiares e contido dixital. Cada elemento ten unha función clara e traballa os mesmos obxectivos educativos. Os vosos fillos e fillas escoitan inglés de forma regular, utilizan o idioma en contextos significativos, conéctano con historias e situacións cotiás, están acompañados e motivados en todo momento por parte do profesorado e das familias. Así creamos unha experiencia coherente, motivadora e aliñada co método Kids&Us.

• Podo ter os perfís de varios/as fillos/as na mesma aplicación?
  Si, podes ter varios perfís de alumnado na aplicación sen necesidade de pechar sesión. Cada fillo/a terá o seu propio espazo co seu contido e datos por separado.

• Como engado un novo perfil de alumnado?
  Ve a Axustes (Settings) e pulsa o botón para engadir un/a novo/a alumno/a (o símbolo + de cor verde que aparece na esquina superior esquerda). A aplicación pedirache que confirmes esta acción antes de continuar para evitar cambios accidentais. Despois, só tes que introducir as credenciais do/a novo/a fillo/a.

• Necesito as credenciais de cada fillo ou filla para engadir os perfís?
  Si. Para engadir cada perfil na aplicación necesitas o usuario e contrasinal de cada fillo/a.

• Péchase a sesión do meu fillo/a ao engadir un perfil novo?
  Non, a sesión do/a alumno/a que xa estaba usando a aplicación mantense aberta. Cando engadas un novo perfil, cambiarase á sesión do perfil recén engadido, pero podes volver á do anterior en calquera momento.

• Como cambio dun perfil a outro?
  Entra en Axustes (Settings) e verás a lista de tódolos perfís que engadiches. O perfil activo aparece destacado; pulsa sobre o nome do/a fillo/a correspondente para cambiar ao seu perfil.

• Poden usar a aplicación dous fillos/as á vez no mesmo dispositivo?
  Non, só pode estar activo un perfil nun mesmo dispositivo. Isto significa que o contido que aparece (audios, rutinas, vídeos…) sempre corresponde ao/á fillo/a cuxo perfil estea seleccionado. Para cambiar de perfil, accede a Axustes (Settings) e selecciona el perfil que queiras abrir.

• Mestúranse os datos dos meus fillos/as ao usar o mesmo dispositivo?
  Non, cada perfil garda o seu propio progreso de forma independente: audios escoitados, rutinas completadas, contido adicional visualizado… Todo o progreso se mide por separado.

• Teño dous fillos/as no mesmo curso, como podemos escoitar o audio e que ambos sumen minutos de escoita?
  Como cada perfil garda o seu propio progreso de forma independente, recomendámosche alternar os perfís para que cada un dos teus fillos/as teña minutos de escoita, aínda que en casa escoiten o audio xuntos/as.

• Que pasa se pulso por erro o botón que serve para engadir un perfil?
  Antes de facer calquera cambio, aparecerá unha mensaxe de confirmación na aplicación con dúas opcións: Confirmar ou Cancelar. Se pulsas Cancelar, non haberá ningún cambio e seguirás na sesión actual.

• Podo cambiar de perfil rapidamente cando estou na pantalla de inicio de sesión?
  Si, desde a pantalla de inicio de sesión podes seleccionar calquera dos usuarios que engadiras. Se pulsas nun deles, accederás directamente á súa sesión sen necesidade de escribir credenciais

• Onde podo ver qué perfís teño engadidos?
  Para ver que perfís tes engadidos, fai clic en Axustes (Settings) e aparecerá a lista. Verás o nome e primeiro apelido do/a alumno/a en cada perfil e o que está activo sairá destacado visualmente. Ten en conta que unha vez inicies sesión con varios perfís, tamén poderás velos na pantalla de inicio.